O concello de Mos organiza un dispositivo para levar maiores de 85 a vacinarse
O concello de Mos organiza un dispositivo para levar maiores de 85 a vacinarse
Ofrece o servizo grazas á axuda de Protección Civil e da Policía Local
Para moitas persoas maiores acudir aos centros de vacinación ou hospitais de referencia a poñer a cuarta dose pode ser un problema. Para remedialo, o Concello de Mos organizou un dispositivo de acompañamento grazas ao apoio do servizo de Protección Civil e da Policía Local.
O periplo comeza na base da agrupación de voluntariado. Carlos e Rodrigo van recoller hoxe a Luísa Santana na súa casa do barrio do Santiaguiño. Percorren boa parte de Mos ata que a muller de 89 anos os recibe canda a nora.
Acompañan a persoa en todo o proceso. Neste caso, levaron a Luísa ata o hospital Álvaro Cunqueiro de Vigo. Grazas ao dispositivo, a súa familia non tivo que pechar o negocio que rexenta.
