Punk rural e metal galego con Deleiba, Tenue e Dioivo no Zigzag
Punk rural e metal galego con Deleiba, Tenue e Dioivo no Zigzag
Tenue, dende A Guarda, presentou o seu disco "Arcos, bóvedas e pórticos" por toda Europa este verán
Deleiba adiantan o que será o seu primeiro disco "Ao revés do mundo"
Dioivo lanzan videoclip dun tema de "Cara os ceos incrementes" gravado no Festival Extreme IV
Tres novos traballos de bandas de sons extremos. Deleiba lanzan o primeiro sinxelo do seu vindeiro álbum "Ao revés do mundo" producido por Iago Pico. Será punk rock melódico cunha visión máis emo.
Tenue son un dos máximos expoñentes da cultura asociativa e a autoxestión no eido musical. Definen o seu novo traballo "Arcos, bóvedas, pórticos" como unha explosión de furia e amor pola vida. Xa o presentaron nunha longa xira este verán que pasou por Italia, Bulgaria e Grecia.
Dioivo, o dúo de guitarra e batería formado por Jacobo Mouriño e Daniel Valladares lanzan o seu novo video do tema "O rei". Unha canción inspirada no conto do traxe do emperador con videoclip gravado no Extreme Division da Palma e que seguen a levar ao directo, as súas vindeiras paradas serán Vallecas e Pontevedra.
