O aeroporto, escenario clásico da volta á casa polo Nadal

Os reencontros destas datas fan dos aeroportos lugares que en moitos casos marcan o inicio emocional do Nadal. Abonda cuns minutos ante a porta de chegadas para respirar sentimentos tan propios deste tempo.

Unha avoa que agarda para recibir a neta que leva dous anos sen ver, o irmán que vén de Londres para pasar o seu primeiro Nadal en Galica ou os estudantes e os emigrados que contaban os días para volver son protagonistas das apertas. E isto non fixo máis que empezar.