Putin ofrece aos mercenarios de Wagner integrárense no exército ou marcharen para Belarús

O presidente de Rusia Vladímir Putin ofreceu este luns aos mercenarios do Grupo Wagner que se sublevaron a fin de semana contra a cúpula militar que se unan ao exército regular do país ou marchen a Belarús xunto ao seu líder Evgueni Prigozhin. 

"Hoxe teñen a oportunidade de continuar servindo a Rusia ao asinar un contrato co Ministerio de Defensa (...), regresar coa súa familia e amigos. Ou os que queiran poden ir a Belarús", indicou o mandatario nun discurso á nación televisado.