Quinta vitoria consecutiva do Leyma, con festival anotador incluído

Quinta vitoria consecutiva do Leyma na Leb Ouro.

Derrotou o Palencia, outro dos equipos chamados a estar nesa pelexa polo ascenso, por 105 a 93. Foi un festival anotador dos coruñeses, con 3 xogadores a destacar: Álex Hernández, con 17 puntos no último cuarto; Ashley Hamilton, autor de 22 puntos, e, sobre todo, Nick Ward: 29 puntos, 14 rebotes e 37 de valoración.

Un parcial de 34 a 20 no segundo cuarto rachou o encontro a prol dos laranxas. Na clasificación, o Leyma é segundo, a un só triunfo do líder, que é Granada.