Quique di que deben "furgar" na "situación de necesidade" do Celta

O adestrador do Sevilla, Quique Sánchez Flores, afirmou este xoves que deben "furgar" na "situación de necesidade" do Celta, rival ao que reciben o vindeiro domingo no Sánchez-Pizjuán na vixésima novena xornada de Liga, á que o equipo vigués chega con novo adestrador, Claudio Giráldez, tras a destitución Rafa Benítez.

"No Celta van cambiar cousas. Todos os xogadores parten de cero. Xera un grao de optimismo que sempre ocorre nese primeiro partido. Doutra banda está a bagaxe de toda a tempada do Celta, que lles xera estrés", dixo o técnico madrileño.

"Nós tentamos ver que nos pode ir mellor, cara a onde podemos ir. Estamos nun momento no que o equipo suma puntos, nun tramo importante onde xogamos ante rivais difíciles e competimos ben. Imos recuperando xogadores que chegan a un determinado nivel físico", comentou sobre o estado de forma no que chega o seu equipo ao partido.

A volta do belga Dodi Lukebakio é unha das novidades do Sevilla.