Raúl Carnero: "Estamos con moitas ganas, xogariamos hoxe se puidésemos"

Raúl Carnero foi un dos protagonistas do Deportivo-Fuenlabrada co seu regreso ao once despois de tres meses. O lateral coruñés atopouse ben e quere ir a máis, tanto individualmente como a nivel colectivo, empezando pola débeda pendente lonxe de casa.

"Fóra de casa está a custarnos, xogamos contra outro equipo galego que temos aí pegado, un duelo directo… Son moitas cousas, pero estamos con ganas e se puidésemos xogariamos xa hoxe".

O defensa deportivista destacou a igualdade que hai na liga

"Creo que ao final nesta Primeira Federación, que ten pouco tempo, cada ano vai haber igualdade maior. Cada ano que pase haberá menos diferenza entre equipos. Todos quereriamos que o Deportivo xa estivese ascendido. Pero a realidade é a que é".