Redondela celebra a Festa da Coca coa tradicional danza das Espadas e Penlas
Redondela celebra a Festa da Coca coa tradicional danza das Espadas e Penlas
Conmemora a vitoria da xente da vila sobre o mal, representado segundo a lenda na Coca
A danza das Espadas acompaña a procesión da Virxe Gabacha, a protectora dos veciños
As alfombras florais son un dos grandes atractivos da festa
O xoves de Corpus Christi non se entende en Redondela sen a tradicional Festa da Coca. Unha festa que conmemora a vitoria da xente da vila sobre o mal, representado segundo a lenda na Coca, un dragón que moraba nas augas da illa de San Simón.
Centos de persoas participaron no acto do traslado da virxe A Gabacha, a gran protectora dos veciños desde a igrexa de Vilavella ata a igrexa de Santiago de Redondela, acompañada pola vistosa danza das espadas.
Todo por riba das enormes e coloridas alfombras florais confeccionadas durante horas polos veciños.
Os que hoxe non poidan gozar desta festa, declarada de Interese Turístico de Galicia, poderán facelo nunha nova recreación o domingo pola mañá.
