Renfe desmente que vaia trasladar trens que operan no Eixo Atlántico a outras comunidades
Renfe desmente que vaia trasladar trens que operan no Eixo Atlántico a outras comunidades
A compañía ferroviaria asegura que non entra "nos plans" levar ata 6 trens para Cataluña
A Xunta protestará a Transportes para que non "empeore" o servizo ferroviario entre A Coruña e Vigo
A compañía pública Renfe asegurou este luns que non entra “nos plans” trasladar os trens que operan no Eixo Atlántico, os S-121, a outras comunidades.
“Renfe quere desmentir que este material rodante vaia ser trasladado a outros territorios. Os plans da compañía pasan por que estes trens continúen operando en Galicia”, sinala a compañía pública.
O desmentido chega despois de que o presidente da Xunta, Alfonso Rueda, esixise ao Ministerio de Transportes unha explicación respecto diso.
Desde Renfe insisten en que o plan é que estes vehículos faciliten os desprazamentos de viaxeiros no Eixo Atlántico e que na conexión Avant entre A Coruña e Ourense permanezan en Galicia.
