Ringleiras para facerse cun dos billetes do AVE a Madrid a 15 euros

Pouco despois das 9 da mañá, Renfe puña á venda os billetes para viaxar en alta velocidade entre Madrid e Galicia a partir do 21 de decembro. Algúns dos traxectos, a tan só 15 euros. Foi tal a demanda que, para poder acceder, había lista de espera, por iso moitos optaron por acudir mercalos directamente á estación. 

Hai quen buscaba data fixa para pasar o Nadal en familia e a quen lle daba igual a data con tal de aproveitar a oferta.

En tan só 3 horas vendéronse máis de 17.000 billetes para viaxar entre Galicia e Madrid, con e sen oferta.

Renfe puxo á venda 250.000 billetes a 15 euros para viaxar entre o 21 de decembro e 12 de setembro do ano que vén.