Rodrigo Conde loitará polas medallas no Europeo de Múnic

O moañés Rodrigo Conde, que compite a carón de Aleix García no dobre scull, pelexará polas medallas no Europeo de Múnic de remo. Xa se meteran na semifinal asinando un gran tempo e na penúltima rolda volveron esnaquizar o cronómetro marcando o mellor tempo con 6:33.71. 

O equipo español sacoulle tres segundos a Serbia e cinco a Lituania, os outros dous botes que conseguiron clasificarse para a final A. Na outra semifinal conseguiron o pase as parellas de Croacia (6:35.99), Grecia e Italia e ningún dos equipos conseguiu rebaixar os tempos que marcaron os españois.