Rueda destaca a redución de 'ratios' e a atención á diversidade deste curso escolar

A Xunta celebrou o acto de inicio do curso esxcolar 24/25 no IES Valle-Inclán, de Pontevedra, onde estudou o presidente, Alfonso Rueda. Este mércores foi a xornada de volta ás aulas para case 308.000 alumnos en Galicia nos máis de mil centros de ensino do país. E fano con 31.600 profesores, a cifra máis alta ata agora, segundo  a Consellería de Educación. .

IES Valle-Inclán de Pontevedra, o primeiro instituto que houbo en Galicia, empeza o curso co edificio renovado. É un dos centros reformados no plan da Xunta de Arquitectura Pedagóxica para adaptar o ensino ás novas tecnoloxías e facelo máis inclusivo. 

"Estou moi orgulloso do que conseguimos e podemos seguir facendo: baixando as ratios; coidando a a formación do profesorado, que é o que explica a calidade do nosos sistema educativo; e coidando o alumnado, que ten que afrontar moito restos nun mundo tan competitivo", dixo Rueda.

O presidente lembrou que este ano se completarán as 2.700 obras de modernización en colexios e institutos, en que a Xunta leva investidos 278 millóns de euros. Alfonso Rueda avanzou un novo plan de melloras nos centros para os próximos tres anos, que terá un presuposto inicial de 210 millóns.