'Samsara', o novo filme de Lois Patiño, con Ángel Suanzes

Lois Patiño continúa coa súa exploración cinematográfica con Samsara, un filme que hibrida o documental e a ficción. Conta a historia dun adolescente budista que debe lerlle o Bardo Thool a unha anciá para que esta poida orientarse no máis aló. É unha película en fase de montaxe.

Na carteleira, a recomendación é Queso de cabra y té con sal, de Byambasuren Davaa . Trátase dunha película mongola cun neno como protagonista. O rapaz estuda, traballa como cabreiro e ten como ilusión cantar nun programa de talentos musicais en Mongolia.