Sebas Moyano confía na salvación do Lugo antes da visita ao Levante

O Lugo agárrase os números e os precedentes para tentar a salvación.

Con corenta e dous puntos por xogar e a permanencia a oito de distancia, Sebas Moyano lembrou esta semana que hai cinco temporadas, cando militaba no Córdoba, o equipo conseguiu recuperar once puntos de desvantaxe gracias a nove vitorias, dous empates e só tres derrotas nos últimos catorce partidos: "Era una situación parecida, unha situación límite".

O do Córdoba non foi o único caso. Hai once anos, o Zaragoza conseguiu salvarse na última xornada ante o Xetafe, malia estar a dez puntos da permanencia a catorce encontros do final. O técnico lucense Joan Carrillo sabe o que hai que facer porque xa pasou por circunstancias semellantes: "É unha situación na que se xeran moitas dúbidas porque o ser humano tende a buscar escusas, non a buscar solucións. Entón nesa busca de escusas sucede de todo e o que che fai é distorsionar, ver o camiño de xeito diferente. O que temos é que estar todos moi conscientes do que temos que facer e confiantes, todos. Se o facemos así, estou seguro de que o imos sacar".

O primeiro obxectivo é recuperar os xogadores e que o ánimo se Levante.