Soriano: "A premisa para que Yeremay se vaia é que o xogador queira dar o paso"

Fernando Soriano analizou este martes o mercado de fichaxes de inverno que o Deportivo completou e explicou que este período estivo condicionado polo futuro de Yeremay.

O director deportivo situou o inicio das negociacións para a súa renovación o 4 ou o 5 de xaneiro, por tanto, días antes das declaracións do xogador en Málaga.

"Yeremay está feliz e se sente querido", afirmou, antes de recoñecer que a duración do contrato mantívose ata o 2030 e insistir en que o novo contrato subiu a cláusula de rescisión, aínda que evitou dar a súa cifra concreta.

Fernando Soriano considera que o obxectivo ata final de tempada ha de ser saír a gañar todos os partidos. Igual contra o Almería que o Eldense, e ver que rendemento damos no campo"

Tamén falou sobre o futuro de Óscar Gilsanz.

"Día a día. O futuro verémolo. Agora estamos moi contentos, está a conseguir un rendemento importante".

Soriano cualificou a saída de Lucas como "un golpe anímico e no liderado do equipo", á vez que evitou referirse aos desencontros que este mantivera co club.

"É un tema institucional, non está no meu terreo", dixo, á vez que afirmou que a dirección deportiva dispoñía de máis límite salarial para gastar e que non meditaron a chegada dun novo central.