Un autobús da UME rodeado polas lapas en Bejís

Efectivos da Unidade Militar de Emerxencias atravesaron estes días en autobús o incendio de Bejís, en Castelló.

Nas imaxes publicadas en redes sociais vese como as lapas rodean totalmente a estrada e ás veces non deixan nin ver o asfalto.

A condutora vaise guiando pola varanda ou pola pintura apenas visible da estrada.

Nalgún momento semella que o incendio os vai rodear por completo, pero ela segue avanzando decidida ata que saen da zona de perigo.

O autobús formaba parte dunha caravana de militares que ían participar na extinción do lume.