Lino rescatou unha cría de corvo e agora é a súa mascota
Lino rescatou unha cría de corvo e agora é a súa mascota
Vive na casa dun veciño de Doniños desde que era unha cría
O de criar corvos xa transcende do cinema, da literatura ou do refraneiro popular. Na vida real xa hai algún considerado como unha mascota máis. É o caso de Curro, un corvo que adoptou un veciño de Doniños, en Ferrol, cando era unha cría e que sacou adiante con moitos coidados e agarimos.
"Iamos a muller e mais eu pola praia de Doniños e vimos unha cría dun corvo, e díxome déixaa que está morrendo... pero trouxémola, démoslle papa e fómolo sacando adiante, pero eu sempre tiven a ilusión de ter un corvo", conta Lino Fernández.
Curro comparte espazo en total liberdade coas outras dúas mascotas da casa, un can e unha gata. A nosa presenza non lle gusta moito, pero acaba obedecendo o seu amo.
"Nada máis chego xa me está esperando, pégame unhas gralladas, vén xunto de min, acaríñoo un pouco, se quere, e despois está con nós constantemente", di Lino Fernández.
Conta Lino que a Curro só lle falta falar.
