Un cruceiro de luxo fondea nas illas Cíes
Un cruceiro de luxo fondea nas illas Cíes
É un buque de expedición que fomenta o turismo medioambiental por todo o mundo
Unha escala de cinco horas con pasaxeiros procedentes principalmente de Alemaña
Este barco, con casco reforzado, xa estivo na Antártida e nos fiordos chilenos
O Hansetic Nature, non é un cruceiro calquera. Coas primeiras luces do día entraba na ría de Vigo para realizar unha parada moi especial. Con 90 pasaxeiros a bordo e 115 tripulantes, tiraba amarrabas nas illas Cíes.
E con esas premisas, os seus pasaxeiros, maioritariamente alemáns, comezaban a despregarse polas illas ás que chegaban en distintas embarcacións. A partir de entón, comezaron un percorrido por este enclave natural acompañados por varios guías.
A súa escala foi de apenas cinco horas. E dende logo que marcharon con moi bo sabor de boca, puntuando as illas no top número tres do mundo.
Este buque de expedición, non apto para todos os petos, navega por zonas pouco frecuentadas. Xa estivo na Antártida ou nos fiordos chilenos. Ten un casco reforzado contra o xeo e tecnoloxía de primeiro nivel. Todo o necesario para chegar a puntos do planeta onde a natureza e a paisaxe son as únicas protagonistas.
