Unha procesión única enche de cor a noite do Xoves Santo en Cualedro

Sorprendente. Totalmente distinta. Na Xironda, en Cualedro, encontramos unha curiosa procesión de Xoves de Santo que non se parece en nada ás que estamos afeitos a ver na Semanas Santa. 

Os fieis levan farois de papel de cores. Antigamente só os levaban os homes e facíanse con masa de farelos e con silvas ou salgueiros. Algúns levaban torres de ata 26 luces. Pero ardían co vento. 

Agora fanos con tea e as candeas substituíronse por lámpadas alimentadas con baterías.

A xente subía ao alto da serra para ver esta procesión tan espectacular. 

A tradición perdeuse durante moito tempo. 

E foron curiosamente as mulleres as que a recuperarron hai uns 25 anos.