Onde iremos os galegos de vacacións nesta Semana Santa?
Os galegos priorizan o turismo de praia pero medra a demanda dos destinos culturais
As axencias de viaxes esgotaron case todas as prazas dos destinos ofertados que desta volta eran ben variados
Unha vez remata o Entroido, as olladas xa están postas nas vacacións de Semana Santa. A estas alturas, as axencias de viaxes esgotaron case todas as prazas dos destinos ofertados que desta volta eran ben variados.
Nesta época do ano, os galegos priorizamos o turismo de sol e praia porque xa temos carencia de vitamina D, pero cada vez hai máis demanda das escapadas culturais. E nisto moito teñen que ver os chárter das axencias, que son voos directos a destinos que adoitan ter sempre escalas.
Na rúa a maioría segue apostando polo bo tempo, e para iso as Canarias seguen triunfando. Pero tamén hai moitos que prefiren quedarse na terriña e seguir coñecendo o noso.
E do outro lado, os turistas que veñen a Galicia, demandan as Rías Baixas, a Ribeira Sacra ou Santiago como primeiros destinos para esta Semana Santa.
