Varias parroquias de Cervantes carecen de cobertura móbil

Varias parroquias do concello lugués de Cervantes apenas teñen cobertura de telefonía móbil, algo que lles impide aos veciños comunicarse, teletraballar e mesmo recibir a teleasistencia.

Afecta tamén ás cámaras que teñen os gandeiros para controlar o gando ou para avisar dos partos.
Os veciños bótanlle a culpa da falta de cobertura ao cambio na tecnoloxía que se lle puxo a un repetidor da zona, xa que antes diso tiñan un bo servizo.

Consideran que así non se pode seguir e que a falta de cobertura vai en detrimento da calidade de vida dos veciños que viven no rural.