Veciños da Sionlla, en Santiago, denuncian graves problemas de inseguridade na N-550
O Concello comprometeuse cos veciños a buscar solucións coa Demarcación de Estradas
A diario os veciños da Sionlla de Abaixo, en Santiago, sofren unha odisea para atravesar a estrada Nacional 550 neste núcleo. O tráfico é tan intenso e circulan a velocidades tan altas que ir dunha beira a outra é un exercicio de paciencia e risco.
Recentemente houbo tres accidentes na zona. O último o dun camión que se esnafrou contra unha vivenda deshabitada. Por iso antes de que haxa que lamentar algunha traxedia os veciños piden que se adopten medidas correctoras. Outro dos problemas é a contaminación acústica.
O concelleiro de Tráfico de Santiago visitou a zona cos veciños e comprometeuse a traballar conxuntamente coa Demarcación de Estradas para estudar a situación e buscar posibles solucións.
