A Xunta e os transportistas reclaman do Goberno unha saída dialogada

A Xunta reuniuse cunha representación dos folguistas. Tres conselleiros decidiron sentar a negociar para intentar garantir o abastecemento e o transporte de produtos básicos.

A Xunta está extremadamente preocupada pola parálise que está a causar a folga en Galicia. Piden ao Goberno central corredores seguros para garantir os servizos esenciais e reclaman que o executivo de Sánchez sente a negociar. Os folguistas tamén queren diálogo co Goberno.

Rexeitan os actos vandálicos, pero insisten en que a súa situación é insostible e que precisan de rebaixas no gasóleo para poderen traballar.