O rei remata a primeira xornada de consultas sen ningún apoio confirmado para investir a Pedro Sánchez
O rei remata a primeira xornada de consultas sen ningún apoio confirmado para investir a Pedro Sánchez
O rei remata a primeira xornada de consultas sen ningún apoio confirmado para investir a Pedro Sánchez
Yolanda Díaz di que, a día de hoxe, está lonxe o acordo co PSOE para formar un goberno de coalición
Vox e UPN votarán que non; Coalición Canaria e PNV aseguran que aínda non negociaron nada con eles
Filipe VI pechou con Santiago Abascal a primeira xornada de consultas. Sen sorpresas na negativa do lider de Vox a apoiar unha eventual investidura do candidato socialista.
"Ademais trasladámoslle a nosa preocupación polo prezo colectivo que suporía unha nova investidura de Pedro Sánchez", dixo Abascal á saída da Zarzuela.
Desde Sumar, Yolanda Díaz confirmou que levan dous meses negociando co PSOE o programa dun goberno progresista de coalición, pero afirma que hai escollos sen resolver e que a día de hoxe non hai acordo.
Así o explica Yolanda Díaz: "Nós somos claras ao dicir que queremos gañar dereitos, e o PSOE fala de consolidalos. A día de hoxe o acordo está lonxe".
O PNV e Coalición Canaria están dispostos a negociar o seu voto, pero ambos din que o PSOE non se puxo en contacto con eles.
"Neste momento é que non temos nin negociación aberta", di Cristina Valido, de Coalición Canaria.
Máis claro o ten UPN, que lle comunicou ao rei que votará non a unha eventual investidura de Pedro Sánchez.
Javier Esparza insiste en que "o menos malo para España sería unha repetición electoral".
Os socialistas cataláns abrazan esa posibilidade se Junts e Esquerra insisten en reclamar un referendo.
"Por aí non. O 14 de xaneiro teño plans, pero se hai que cambialos, cámbios", afirma Salvador Illa, primeiro secretario do PSC.
Os republicanos rebaixan agora a urxencia do referendo, e confórmanse con que se fale das condicións para votar a autodeterminación. Para o Partido Popular son manobras de despiste e esixen transparencia máxima nas negociacións.
Elías Bendodo, Coordinador xeral do PP, di: "O referendo non pode ser o cebo para a amnistía, a escusa para a amnistía. Falemos do referendo e deixemos de falar da amnistía que xa está concedida... non, non... por aí non estamos dispostos a pasar nin o PP nin a inmensa maioría dos españois".
O rei despachará este martes con Núñez Feijoo e con Pedro Sánchez. A continuación proporá xa un novo candiato para presidir do Goberno.
