Yulemnis Aguilar, atleta que reside en Oleiros, xa pode debutar coa selección española

Yulenmis Aguilar, a lanzadora de xavelina que reside en Oleiros, xa ten todos os papeis en regra e poderá representar a España nos Europeos de Roma da próxima semana. A atleta de orixe cubana chega a esta cita como segunda do ranking europeo.

Yulenmis recibiu a nacionalidade española o pasado 9 de abril e World Athletics deulle este martes o visto e prace para que poida competir baixo bandeira española. A lanzadora prepárase para poder afrontar o gran reto do ano. Estar nos Xogos Olímpicos de París e poder loitar por unha medalla.