Adolescencia, dó e cambio climático: 'Sica' estréase en 25 cines galegos
Adolescencia, dó e cambio climático: 'Sica' estréase en 25 cines galegos
Rodada na Costa da Morte, protagonízaa Thais García, unha moza de Cabana de Bergantiños
Esta produción galego-catalá participada pola TVG competiu nos festivais de Berlín e Málaga
A directora Carla Subirana presenta o filme esta fin de semana en Vigo e Santiago
'Sica' conta a historia dunha adolescente da Costa da Morte que perde a seu pai nun naufraxio. A paisaxe visual e sonora da comarca ten un gran protagonismo no filme, que é tamén unha chamada de atención ante a crise climática.
O elenco está encabezado pola actriz catalá Núria Prims e por tres intérpretes adolescentes debutantes: a cabanesa Thais García Blanco, que interpreta a Sica, o carballés Marco Antonio Florido e a vimiancesa María Villaverde.
Coproducida pola produtora catalá e a galega Miramemira, en 'Sica' conviven o galego e o catalán e estréase en toda España con 50 copias en versión orixinal.
A directora Carla Subirana e as protagonistas da película pasaron polo Diario cultural da Radio Galega para falaren desta fábula sobre o paso á vida adulta.
A directora Carla Subirana e Thais García, na rodaxe de Sica
