Carme Varela, autora de 'As desterradas': "Nos mosteiros medivais as monxas eran moi libres"
'As desterradas' recrea os días finais do mosteiro de Albelos e loita das súas monxas beneditinas fronte á cobiza eclesiástica
No elenco, Belén Constenla, Melania Cruz, Rocío González, Rebeca Montero, Patricia Vázquez e Víctor Mosqueira
O texto 'As desterradas' gañou o XXV Premio Álvaro Cunqueiro de textos teatrais e o VII Premio Follas Novas
Unha historia de humillación, ocultación e desterro. "Un roubo tan grande como cando lle roubaron a túnica a Noso Señor antes de crucificalo".
Falamos da historia que recolle o texto teatral 'As desterradas', de Carme Varela, que agora chega ás táboas con Producións Excéntricas. Un thriller conventual que aborda o acontecido a comezos do século XVI no mosteiro de Albeos que se estreou onte mesmo no Principal de Compostela e agora arrancan xira.
