Gilsanz: "Este equipo necesitaba un golpe así"

"Este equipo necesitaba unha vitoria así. É un subidón conseguila, e cun gol no engadido". Foi o primeiro que dixo Gilsanz nada máis colleu o micrófono ao final do partido. "Traballa moito e soltar deste xeito a adrenalina vaille vir moi ben", continuou o betanceiro. 

Tamén recoñeceu que o gol é froito do traballo de análise no laboratorio. "Sabiamos que o Éibar deixaba libre a frontal neste tipo de xogadas, pero é mérito dos xogadores elixir o momento no que facer a acción", sobre o xeito de sacar o córner en curto. 

Para o betanceiro foi un partido moi especial, o da estrea en Riazor. "Para min e a miña familia, pero o club está por riba de todo e necesitaba a vitoria", concluíu Gilsanz.