Margarita Ledo: "Os afectos forman parte da loita pola igualdade"

"Tal unha nova Antígona, Sagrario, sitúase fóra das regras e reclama o dereito á lei non escrita e reivindica, canda a desobedencia, o desexo".

Sagrario Ribela Fra é a protagonista de 'Prefiro condenarme', a nova película de Margarita Ledo Andión que mañá venres chega ás salas de cine. Todo comezou cunha conversa en que a directora escoita falar dunha mariscadora que, raño en man, lle paraba os pés ao seu marido maltratador. É a historia dunha muller pioneira que reclamaba o dereito á igualdade e ao desexo.