'Pensando en ti', da Radio Galega, celebra cos oíntes os seus 28 anos en antena

A festa do 'Pensando en ti' arrancaba ás once da mañá deste domingo no Carballiño. Por diante, unha xornada de romaría para poñerlles cara ás voces que cada noite conversan a través da radio.

Os presentadores do programa, Marcial Mouzo e  Ricardo Saavedra levan tamén aquí a batuta e agradecen a  fidelidade aos oíntes.

A primeira actuación foi a cantante lucense Verónica Cambón, nun escenario polo que tamén pasaran María do Ceo, Sito Sedes e a orquestra Trebol entre outros...Todo para celebrar 28 anos de emisión na radio publica galega.