Uxía: "Co tempo a voz madura, e o xeito de estar na música tamén"

Levou a súa voz por todo o mundo e conseguiu que o seu xeito de cantar nos resulte familiar e inconfundible. Cantou aos poetas, cantoulle ao mar, ás mulleres... cantoulle á vida durante catro décadas. E quere seguir facéndoo. Uxía celebra corenta anos de carreira rodeada de amigos e cun espectáculo co que arranca tamén a xira 'Será por flores'. A festa comeza este domingo no Auditorio de Galicia.