Alcoa convoca a mesa de seguimento para a próxima semana tras "noves meses de espera"

O comité de empresa de Alcoa San Cibrao (Lugo) informou de que, “tras nove meses de espera”, este venres foi convocada a décimo novena reunión da mesa de seguimento do acordo de viabilidade, que se celebrará o vindeiro mércores día 19 na sede do Ministerio de Industria en Madrid.

Ese acordo de viabilidade, asinado en 2021, permitiu apagar as cubas de electrolisis a cambio de investimentos millonarios para modernizar a fábrica de aluminio.  

Mediante un conciso comunicado, o comité anunciou que foi convocado a esa reunión, que tiña que celebrarse cada tres meses, pola Secretaría de Estado do Ministerio de Industria.

“A orde do día só inclúe o seguimento do acordo, polo que esperamos que nos anuncien as datas de comezo das obras de construción do forno de ánodos, o principal investimento recollido nese acordo de viabilidade", indican os representantes dos traballadores.