As axudas europeas para reforma de vivendas van beneficiar 16.000 familias galegas
As axudas europeas para reforma de vivendas van beneficiar 16.000 familias galegas
As axudas directas van desde o 35 ata o cen por cento do importe da obra
Son 157 millóns de euros, que se poderán solicitar a partir de xaneiro
Nun laboratorio de deseño e reformas pasaron de atender un cento de peticións anuais a case duplicalas. O confinamento animou as reformas de vivendas en busca dunha nova redistribución dos espazos e do aforro enerxético.
"A maioría das vivendas son antigas as distribucións e a forma de usar as casas non é a mesma", explica Verónica Rodríguez, propietaria deste estudo. Do que se trata, di, é de "modernizar as formas de uso das casas e adaptalas as necesidades actuais"
A demanda medrou un 45 % e o sector afronta un novo impulso coa posta en marcha do plan europeo de rehabilitación de vivendas. "As axudas animan a xente a tomar a decisión de reformar as súas casas, tanto a nivel de interiores coma eficiencia enerxética", comenta José Francisco Corral, propietario dunha empresa de reformas.
Axudas que van desde o 35 ata o 100 por cento do importe da obra. "O aforro enerxético mínimo ten que ser dun 30 por cento nas rehabilitacións integrais", explica a Conselleira de Vivenda. Ángeles Vázquez avanzou que "son 157 millóns que se poden pedir a partir de xaneiro"
En Galicia beneficiaranse destas axudas unhas 16.000 familias.
