18.000 filloas nunha festa de Muimenta ateigada de público

Hai moita moita xente, pero agardar paga a pena. O premio, unhas saborosas filloas, protagonistas nesta xornada festiva da tradicional festa que celebra a localidade luguesa de Muimenta. Unha festa que suma xa 32 edicións. Moitos repiten cada ano a súa cita con este manxar.

Outros chegan por primeira vez atraídos pola súa sona. Na feira tamén podemos atopar produtos típicos da comarca, artesanía, oficios tradicionais e todo tipo de actividades. E como non todo vai ser comer, tamén hai quen atopa un oco para botar un pé gozando do noso folclore.