200 galegos e galegas no exilio volven a Galicia
200 galegos e galegas no exilio volven a Galicia
Todos eles forman parte do programa Reencontros con Galicia, promovido pola Xunta para facilitar o contacto coa súa terra e coas súas familias
Estarán na nosa comunidade arredor de quince días, un tempo en que coñecerán de primeira man o patrimonio cultural e natural do noso país
Moitos destes emigrantres galegos volvían este xoves ao lugar onde hai anos partían coas súas familias rumbo ao exilio.
Foi o caso de Blandina. Marchou cara a Bos Aires con quince anos en plena secundaria. Lembra o seu mestre, Otero Pedrayo e os motivos da súa marcha acompañada dos seus pais e do seu irmán.
Para moitos é a súa primeira vez en Galicia. José Manuel marchou á Arxentina con catro anos. Foron reclamados por unha avoa materna tras a Guerra Civil. A pesar da súa pouca idade ten moitos recordos.
Entre 1920 e 1933 a emigración galega supuxo máis do 50 % da do estado español. Os que quedaron teñen alí conformada a súa vida. Con todo, Galicia tira mesmo con chuvia.
Volven a unha Galicia moito mellor da que deixaron. Pero desta volta sen despedidas, só con reencontros moi agardados.
