A Asociación Galega de Aspérger reclama apoio para as persoas con este trastorno
A Asociación Galega de Aspérger reclama apoio para as persoas con este trastorno
Achégase o Día Internacional da Síndrome de Aspérger e este sábado celebrouse o primeiro acto conmemorativo en Santiago.
O obxectivo é visibilizar este trastorno do espectro autista e facilitar a integración das persoas que conviven con el.
O diagnóstico da síndrome de aspérger chegoulle a Xosé Manuel con 26 anos. Hoxe dálle voz ao manifesto do da internacional deste trastorno do espectro autista.
O diagnóstico foi un alivio para min porque xa sabía que as cousas que me preguntei durante anos tiñan un porqué, e a partir de aí comezar a delimitar o meu ámbito de actuación para poder desenvolver aquelas ferramentas que aínda non tiña desenvoltas.
Con esta xornada, desenvolta en Santiago, a Asociación Galega de Aspérger reclama visibilidade para as persoas con este trastorno. Piden empatía para entender as dificultades que teñen na comunicación non verbal e na interacción social; e compromiso para atender as súas necesidades.
Estamos aquí porque vai ser o Día Internacional do Aspérger e é unha maneira de empoderar as persoas que teñen o diagnóstico. Eles poden estar de forma autónoma convivindo coa comunidade, traballando e tendo unha vida plena pero hai que pedir ese apoio para que a xente os entenda, di Mercedes Fernández, presidenta da Federacíón de Autismo.
Teñen un cociente intelectual igual á media e cos apoios axeitados poden acadar unha formación e emprego similar.
Imos continuar apoiándoos dende o berce ata o bastón, acompañándoas dende a infancia nese diagnóstico, nese tratamento. No ano 2009 había dúas unidades de atención temperá que cumprían 15 concellos galegos, a día de hoxe hai máis de corenta unidades de atención temperá que atenden a máis de 200 concellos, di Fabiola Martínez, conselleira de Política Social.
