A AVT denuncia que as vítimas se senten desamparadas

As vítimas do terrorismo cren que o Goberno vai cambiar o Código penal para rebaixar as penas por terrorismo. Maite Araluce, a presidenta da Asociación de Vítimas, explicou hoxe que se senten desamparadas logo de que o Congreso aprobase por consenso a reforma que permite a excarceración de polo menos 44 etarras. Tamén acusan aos políticos de falta de respecto por empregar as fotos das vítimas de terrorismo. 

Araluce advirte de que "o seguinte paso vai ser derogar o Código penal de 2003 para quitar o límite máximo de cumprimento de prisión de 40 anos. Dende aquí advertímolo xa. Vano facer. Vano facer se segue gobernando Sánchez".