A axencia Moody´s pide a España novos axustes para garantir as pensións
A axencia Moody´s pide a España novos axustes para garantir as pensións
Advirten que o envellecemento da poboación e a revalorización co IPC complicarán a reforma do Goberno
A chamada xeración do baby boom entra de cheo na idade de xubilación. De aquí ao 2040 pasarase dos nove millóns de pensionistas actuais a 12 millóns de xubilados.
Este aumento é un dos maiores da Unión Europea e preocupa os analistas. A axencia Moody's advirte das dificultades de financiar nos próximos anos o sistema de pensións.
A reforma aprobada polo Goberno hai tan só seis meses atrasa a idade de xubilación e introduce o pagamento nas nóminas do mecanismo de solidariedade interxeracional. Unhas medidas que poderían supoñer unha perda de empregos, segundo estima a axencia internacional. Os analistas apuntan a que serán necesarias novas medidas para asegurar as pensións.
"Probablemente o que imos ver nos próximos anos é un atraso da idade de xubilación cara aos 70 anos naquelas profesións en que sexa posible. Esta e outras medidas estruturais que haberá que ir tomando no futuro", di a economista María Cadaval.
Di Moody´s que o aumento do gasto en pensións, se non se adoptan medidas adicionais, podería dificultar o financiamento da economía española nos mercados nos próximos anos.
