Á baixa o prezo dos combustibles unha semana máis

"Xa está todo caro, o súper, todo carísimo, pois polo menos iso, poder ter unha baixada para poder saír de vacacións e darmos un gusto xa que aproveitamos que estamos de vacacións", comenta unha muller.

Que os carburantes baixen o seu prezo, sobre todo en agosto, é unha boa nova ben recibida por todos.

"Sempre é a alza todo pero todo o que baixe neste tema, ven de marabilla", apunta outra.

O Boletín Petroleiro da Unión Europea publicou hoxe os datos, xusto no comezo dunha ponte festiva con moita xente nas estradas. A previsión é de máis de 8 millóns de desprazamentos por toda España

"Si eu teño pensado marchar a unha vila de Guadalaxara uns días e entón, pois claro, evidentemente aféctame a baixada, claro que si", explica unha condutora.

Con respecto a hai unha semana o prezo do diésel baixou un 0,95 % e o da gasolina un 0,87. Ambos os dous tocaron mínimos este verán.

"Aínda que baixara un pouquiño máis e sobre todo para os transportistas, pois moitísimo mellor".

"Baixou un pouquiño, pero logo vai subir outra vez, non te preocupes", contan varios clientes dunha gasolineira de Vedra.

Quen máis o notan son os turistas que veñen de fóra.

 "Moi ben que baixaron o prezo da gasolina", alégrase unha turista.

É que os prezos en España están máis baixos que a media europea

"Mellor prezo respecto a Italia". "Moito máis barato, iso si, en Italia custa moito, é verdade", recoñecen dúas turistas italianas.

Cos prezos actuais encher un depósito medio de 55 litros custa case 6 euros menos que na mesma semana do pasado verán. Iso nos de gasolina porque nos diésel aforramos 7.

 "Un respiro é sempre, todo o que baixe sempre é". "Pero ben, aínda así está bastante caro, eh, aínda que baixaseun pouquiño máis non pasaba nada".

"Grazas a Deus vai baixando e canto máis baixe mellor claro, porque para traballar, para todo fai moita falla, entón si, estou moi contenta de que sexa así e de que sega baixando".