A calor pon en aviso nove comunidades que van rozar os 40 graos
A calor pon en aviso nove comunidades que van rozar os 40 graos
Tamén están en alerta catro autonomías, entre elas Galicia, por vento forte na costa
![Córdoba está no nivel laranxa. EFE/Rafa Alcaide](https://img-g24-crtvg.flumotion.com/prog24/2023/20230806/calorcordobaRafaAlcaide.jpg)
A calor continúa en ascenso e pon este domingo en aviso laranxa ou amarelo seis comunidades na península, mentres se rexistran fenómenos costeiros nos litorais de catro autonomías, segundo informa a Axencia Estatal de Meteoroloxía (Aemet).
En Andalucía, seis das oito provincias están en aviso laranxa ou amarelo por máximas que se van situar entre os 37 e os 40 graos. No nivel laranxa atópanse Córdoba, Huelva, Xaén e Sevilla e no amarelo, Granada e Cádiz, e esta última tamén por fenómenos costeiros.
As provincias estremeñas de Badaxoz e Cáceres aparecen no mapa da AEMET en aviso laranxa tamén por calor, con temperaturas próximas aos corenta graos.
En nivel amarelo quedan Castela e León (37 graos), Castela-A Mancha (36-38 graos), Comunidade de Madrid (36 graos) e Comunidade Valenciana (36 graos).
Vento na costa
Por fenómenos costeiros, ademais do litoral de Cádiz están en aviso amarelo o de Baleares, Cataluña e Galicia, por intervalos de vento forte ou con refachos moi fortes.