As familias de Paiporta esíxenlle ao Goberno valenciano a volta ás aulas con garantías
As familias de Paiporta esíxenlle ao Goberno valenciano a volta ás aulas con garantías
Dos máis de 90 centros afectados pola DINA só 12 abriron de novo
Familias das escolas públicas de Paiporta concentráronse para esixir a reapertura das escolas. "Non poden saír aos parques, nin poden socializar co resto de nenos e nenas", di Rafael Ramos, presidente da Federación InterAMPA de Paiporta.
A Consellería de Educación valenciana deulles varias datas provisionais que ata agora non se cumpriron, polo que afirman sentirse abandonados. "Os centros están esnaquizados, hai inundacións nos sotos e hai que darlles sensación de seguridade aos nenos. Teñen que volver, pero teñen que facelo nunhas condicións dignas", sinala a alcaldesa de Paiporta, Maribel Albalat.
Dos máis de 90 colexios afectados pola DINA só 12 abriron de novo. No centro de Catarroja, outra das vilas afectadas, o profesorado traballa como voluntario para tratar de volver á actividade. Ademais, os pais e nais piden que se lles proporcione atención psicolóxica aos escolares afectados para facilitar no posible a volta á normalidade nas súas vidas tras o acontecido.
A cifra de vítimas mortais rexistradas por mor da DINA e as inundacións posteriores que afectaron á provincia de Valencia elevouse este mércores a 220 (unha máis). Por outra parte, a cifra de desaparecidos mantense en 8, segundo o último balance oficial do Centro de Investigación de Datos (CIC).
