A Casa Real distribúe imaxes da princesa Leonor nas manobras e portando un fusil
A Casa Real distribúe imaxes da princesa Leonor nas manobras e portando un fusil
Nas instantáneas vese a princesa de Asturias en distintas fases dos exercicios de adestramento desenvoltas durante varios días no campo de San Gregorio da Academia militar de Zaragoza
![](https://img-g24-crtvg.flumotion.com/prog24/2023/20230920/princesa-asturias-manobras-3-200923.png)
A Casa do Rei distribuíu este mércores imaxes da princesa Leonor durante o seu período de instrución na Academia Xeral Militar de Zaragoza, en que participou nas súas primeiras manobras con uniforme de camuflaxe, con casco e a cara pintada e portando o fusil de asalto.
![](https://img-g24-crtvg.flumotion.com/prog24/2023/20230920/princesa-asturias-manobras-7-200923.png)
Nas fotografías, vese á princesa de Asturias en distintas fases dos exercicios de adestramento desenvoltas durante varios días no campo de San Gregorio da academia, onde a filla maior dos reis ingresou o pasado 17 de agosto.
Á princesa véselle co fusil tanto en grupo xunto con outros cadetes, nunha delas co rostro pintado, como en solitario.
![](https://img-g24-crtvg.flumotion.com/prog24/2023/20230920/princesa-asturias-manobras-5-200923.png)
O álbum, composto por preto dunha vintena de fotos, inclúe a participación da herdeira ao trono en exercicios de tiro, en marchas de grupo e cruzando a nado unha piscina co uniforme.
Tamén marchando a paso lixeiro e arrastrándose no chan para atravesar un aramado de espino cargando coa arma.
![](https://img-g24-crtvg.flumotion.com/prog24/2023/20230920/princesa-asturias-manobras-6-200923.png)
Noutra fotografía, aparece interpretando un mapa e tomando notas nun caderno cun rotulador durante un percorrido topográfico.
A maioría das imaxes son de actividades diúrnas, aínda que nunha véselle nun atardecer e noutra, a través dun visor nocturno.
![](https://img-g24-crtvg.flumotion.com/prog24/2023/20230920/princesa-asturias-manobras-11-200923.png)
Segundo a Casa do Rei, a princesa completou coas manobras e os outros exercicios o período de formación militar básica do combatente, "en que se dá formación moral e militar e impártense coñecementos sobre armamento e equipo".
![](https://img-g24-crtvg.flumotion.com/prog24/2023/20230920/princesa-asturias-manobras-12-200923.png)
É a terceira entrega de fotos de Leonor de Borbón co uniforme militar despois das que se distribuíron ao día seguinte do seu ingreso na academia en que lucía a galleta cos seus apelidos: Borbón Ortiz.
A Casa Real tamén distribuíu onte fotos da entrega de sabres que simboliza que, ao concluír a súa formación castrense de tres anos, converterase en oficial do Exército.
A princesa de Asturias xurará bandeira o próximo 7 de outubro, data a partir da cal proseguirá o seu adestramento militar cos cadetes de segundo curso.