A central de Endesa nas Pontes recibe outro cargamento de carbón
A térmica reactivouse pola suba do prezo da electricidade e o aumento das temperaturas
A central de Endesa nas Pontes de García Rodríguez recibe outro cargamento por mar de 77.000 toneladas de carbón tras a reactivación da térmica.
É o terceiro buque que transporta mineral para a térmica nas últimas semanas. As dúas embarcacións anteriores chegaron a finais de outubro e mediados de novembro.
As instalacións xa contaban cunhas 40.000 toneladas previas a estes tres envíos (de 80.000, 20.000 e 77.000 toneladas) polo que acumulan un total de 217.000 toneladas para a combustión.
A térmica reactivouse parcialmente o pasado 22 de novembro nun dos catro grupos de xeradores ante o contexto de auxe de prezos da electricidade e as baixadas de temperaturas, que provocaron un aumento do consumo enerxético.
A planta, en proceso de peche desde finais do ano 2019, levaba meses sen estar operativa.
