A coruñesa Yolanda Parga, nova responsable da arbitraxe feminina do CTA

Yolanda Parga Rodríguez (A Coruña, 1978) incorpórase ao Comité Técnico de Árbitros da Real Federación Española de Fútbol como Responsable da Arbitraxe Feminina. Desta forma, a exárbitra asistente internacional, cunha dilatada experiencia tanto sobre o terreo de xogo como na xestión deportiva, pasa a formar parte do grupo de traballo que encabeza Luís Medina Cantalejo como presidente do CTA.

A nivel nacional, Yolanda alcanzou a Segunda División do fútbol español na tempada 2006/2007. Como internacional, o seu primeiro gran logro foi a final da liga de Campións Feminina da UEFA disputada en Suecia en 2007. Ademais, estivo presente en 2 mundiais femininos: Alemaña 2011 e Canadá 2015, onde estivo no trío arbitral da final. E tamén foi seleccionada para 2 Xogos Olímpicos: Londres 2012 e Brasil 2016. Desde 2017 exerceu como responsable da arbitraxe feminina e dos árbitros asistentes na Federación de Fútbol de Madrid.

🛑 OFICIAL | Yolanda Parga se incorpora al @CTA_RFEF de la @rfef como Responsable del Arbitraje Femenino.

➡️ La exárbitra asistente internacional participó en 2 mundiales y 2 juegos olímpicos.

👏🏼 ¡¡ENHORABUENA!!

🔗 https://t.co/y4gaStuZea pic.twitter.com/fqVHd0zmtI

— RFEF (@rfef) January 21, 2022