A delegación europea que investiga o caso Pegasus ve plausible que Marrocos espiase a Pedro Sánchez

A delegación do Parlamento Europeo que investiga o caso Pegasus ve plausible que fora Marrocos o que espiou a Pedro Sánchez e a varios ministros, malia que non teñen confirmación ao cen por cento.  

Nos dous días de traballo en España tampouco conseguiron probas certeiras sobre a espionaxe a varios cargos independentistas de Cataluña.

O grupo de eurodeputados pídelle ao Goberno máis transparencia sobre o caso, aínda que lle resta importancia ao feito de que non os recibira ningún membro do Executivo, ao coincidir a súa visita co debate da moción de censura.