A novela 'No ventre do silencio', de Méndez Ferrín, será traducida ao inglés

A escritora estadounidense Lindsay Semel está en Galicia para acometer a tradución ao inglés da novela de Xosé Luís Méndez Ferrín No ventre do silencio. 

Unha tarefa que poderá facer en contacto directo coa terra e a cultura onde naceu a novela de Ferrín.

Lindsay vivirá na Residencia Xacobeo que a Consellería de Cultura creou para estimular a tradución de obras literarias galegas a linguas estranxeiras.