A executiva do PSdeG proporá celebrar o seu XV congreso os días 8 e 9 de marzo en Compostela
A executiva do PSdeG proporá celebrar o seu XV congreso os días 8 e 9 de marzo en Compostela
A proposta terá que ser aprobada o vindeiro sábado, día 21 de decembro, polo Comité Nacional
Gonzalo Caballero: "Hai moitos militantes que me están pedindo que dea un paso adiante"
A executiva do PSdeG propoñerá celebrar o XV Congreso Nacional, máximo órgano de decisión do partido, os días 8 e 9 de marzo na Cidade da Cultura de Santiago de Compostela.
A data coincide coa celebración do Día Internacional da Muller.
Avanzouno este luns en conferencia de prensa o voceiro da executiva dos socialistas galegos. Julio Torrado detallou que a proposta terá que ser aprobada o vindeiro sábado, día 21 de decembro, polo Comité Nacional, máximo órgano de decisión entre congresos.
O XV Congreso Ordinario do PSdeG incluirá a celebración de primarias, que empezarán a desenvolverse a partir da parada do Nadal.
"Será o congreso da igualdade porque cremos que é o momento de falar dos problemas da desigualdade que existen en Galicia", destacou o voceiro da executiva socialista.
Torrado referiuse á desigualdade no acceso aos dereitos, á desigualdade de oportunidades e á desigualdade entre homes e mulleres.
