Cargando resultados...
Investigan a agresión a un home no Carballiño, que permanece en estado grave
Investigan a agresión a un home no Carballiño, que permanece en estado grave
Dúas persoas localizaron de madrugada a vítima, de 43 anos, inconsciente na rúa
A entrada das Urxencias do CHUO
G24.gal
07/12/2024 16:15
Última actualización 07/12/2024 16:42
A Garda Civil de Ourense investiga a agresión nocturna a un home no Carballiño que se atopa en estado grave no Complexo Hospitalario Universitario de Ourense (CHUO).
Segundo detallan fontes coñecedoras do suceso, dúas persoas localizaron a vítima, de 43 anos, inconsciente na rúa sobre as cinco da madrugada.
Nun primeiro momento trasladárono ao Punto de Atención Continuada pero logo tivo que ser evacuado ao centro hospitalario, onde permanece ingresado.
A Garda Civil abriu unha investigación para esclarecer os feitos e, polo momento, non descarta ningunha hipótese.
