A Gladiator Race recada 4.000 euros para a investigación da enfermidade de Dent

Celebrouse unha edición solidaria da Gladiator Race cuns 1.400 corredores. Foi esta tarde na Cidade da Cultura.

Nesta ocasión, por cada persoa inscrita nestas probas deportivas a organización doou un euro ao proxecto de investigación da enfermidade de Dent, que desenvolve o Instituto de Investigación Sanitaria de Santiago. Había tamén fila cero na web para colaborar coa causa e lograron reunir xa 4.000 euros.

Para visibilizar esta doenza rara, que lles afecta a dez familias galegas e a 200 no mundo, a entidade Art for Dent participou na competición cun equipo de 300 persoas. 
A xornada solidaria rematou cun cóctel e un concerto no hotel Porta do Camiño.