A neve volveu caer nas montañas de Lugo e Ourense
A neve volveu caer nas montañas de Lugo e Ourense
Agás en Manzaneda, a nevarada foi de pouca intensidade
Agárdase que toda a montaña estea nevada o Día de Reis
No alto do Cebreiro, na contorna da Fonsagrada e, por suposto, na estación de Cabeza de Manzaneda. A neve volveu caeu por vez primeira no que vai de ano e case que de inverno nos lugares habituais.
"Temos todo listo para que se poida vir esquiar".
"É raro porque no alto non neva e no baixo si".
Agás en Manzaneda, a capa de neve foi moi pouco espesa e non provocou problemas para o tráfico nas estradas. Aínda así, as máquinas quitaneves estiveron vixiantes e traballando arreo.
"A neve é boa porque mata a bichería no campo".
"Agora neva menos ca antes pero estamos no tempo dela".
Os poucos peregrinos que hai nesta época tamén se viron sorprendidos pola nevarada, aínda que a ven máis coma un atractivo que como unha dificultade para o camiño.
"É unha imaxe moi bonita a do camiño nevado".
"Coa nevarada, o camiño vólvese especial".
Para esta noite agárdase unha forte nevarada nas cotas por riba dos 900 metros polo que o día de reis pode aparecer con toda a montaña luguesa e ourensá cuberta polo manto branco.
